طريقة المحاسبة داخل العدادات مسبوقة الدفع

النشاط المنزلي للشقق والفيلات ويتكون من 7 شرائح وهي على النحو التالي

الشريحة الأولى من صفر إلى 50 كيلووات 30 قرش

الشريحة الثانية من 51 إلى 100 كيلووات 40 قرش

الشريحة الثالثة من صفر حتى 200 كيلووات 50 قرش

الشريحة الرابعة من 201 إلى 350 كيلووات 82 قرش

الشريحة الخامسة من 351 إلى 650 كيلووات 100 قرش

الشريحة السادسة من651 إلى ألف كيلووات 140 قرش

الشريحة السابعة من يزيد عن 1000 كيلووات لا يحصلون على دعم 145 قرشًا.

سؤال هناك الكثير من التساؤلات لدى المشتركين فيما يتعلق بمنظومة العدادات مسبقة الدفع، خاصة في الحالات التي يتم فيها انتقال المشترك من شريحة لأخرى نتيجة للتغير في حجم الاستهلاك الشهري.

أن الحالة الأبرز من تساؤلات المشتركين كانت تتعلق بأنه عند انتقال المشترك إلى الشريحة الثالثة يتم خصم مبلغ من رصيد الشحن بالعداد دون معرفة السبب.

ويرجع ذلك إلى أن المشترك تتم محاسبته على أول شريحتين بسعر مخفض وأن الشريحتين الأولى والثانية تخص محدودي الدخل وهى من صفر حتى 50 كيلو، للشريحة الأولى، ومن 51 حتى 100 للشريحة الثانية، فإذا تجاوز المشترك 100 كيلو، فينتقل إلى الشريحة الثالثة، وهنا تتم عملية المقاصة داخل العداد بالفرق بين الشريحتين الأولى والثانية، وبين الشريحة الثالثة، والمبلغ المستقطع داخل العداد هو 15 جنيهًا للنظام المنزلى، ويسمى فرق الانتقال من شريحة إلى شريحة.

بتتحسب ازاى

٥٠ كيلو × ٣٠ قرش = ١٥ جنيه

٥٠ كيلو × ٤٠ قرش = ٢٠ جنيه

يعنى اجمالى الشريحتين ٣٥ جنيه لاول ١٠٠ كيلوا

لكن لو حضرتك كسرت ال ١٠٠ كيلو يعنى مثلا بقيت ١٠١ ده معناه ان اول شريحتين اتلغت بالنسبالك

وبداية المحاسبه ليك من الثالثة عشان انت فوق ال ١٠٠ كيلو طريقة حسابها

١٠٠ كيلوا × ٥٠ = ٥٠ جنيه

عشان كده بنقول ٥٠ _ ٣٥ = يبقى الفرق ١٥ جنيه وهيا دى حكاية ال ١٥ اللى بتتخصم اول متوصل للشريحه الثالثة عشان فى الاخر يبقى الاجمالى اللى اتخصم منك ٥٠ جنيه

الخلاصه

نتيجه ان الدولة قالت الشريحه الاولى اول ٥٠ كيلو بسعر مخفض ٣٠ قرش والتانيه ٥٠ كيلو بسعر مخفض ٤٠ قرش ودى بيسموها شريحة محددودى الدخل حتى ١٠٠ كيلوا فقط مدعومه لكن لو عديت ال ١٠٠ يعنى مثلا ١٠١ ده معناه ان الدعم غير مستحق

عشان بيحاسبك على ال ١٠٠ كيلو اللى انت استهلكتها بسعر ٥٠ قرش اللى هو اجماليها ٥٠ جنيه

فبيكون ساعتها العداد خصم منك ٣٥ جنيه بالسعر المخفض وانت عشان كسرت ال ١٠٠ فخرجت من الدعم فالمفروض ياخد منك ٥٠ جنيه بس انت كان واخد منك ٣٥ فيشوف الفرق ويخصمه عشان يبقى اخد ٥٠ جنيه فالفرق عباره عن ٥٠ _ ٣٥ = ١٥

بالاضافة الى ذلك الفرق بين الـ1000 كيلو المدعومة حتى آخر الشريحة السادسة، وتبلغ قيمتها 1013 جنيهًا والـ1001 غير المدعومة تبلغ قيمتها 1450 جنيهًا للشريحة السابعة.

ويفسر ذلك، بأنه يعنى إذا تجاوز المشترك فوق 1000 كيلو بكيلو مثلًا 1001 يعنى ذلك أن المشترك تخطى 1000، لذلك تتم محاسبته على 1000 كيلو في 1.45 قرش وتساوي 1450 جنيهًا بدلا من 1013 جنيهًا، وبالتالى يتم سحب الدعم والذى يبلغ 437 جنيهًا يتم خصمه من داخل العداد أو عند قيام المشترك بالشحن من خلال الفرع أو من خلال جهات الدفع الإلكترونى.

بالإضافة إلى خصم مقابل خدمة العملاء فى آخر يوم من الشهر وذلك وفقًا لآخر شريحة لدى المشترك على النحو التالى:

- الشريحة الأولى جنيه.

- الشريحة الثانية جنيهان.

- الشريحة الثالثة 6 جنيهات.

- الشريحة الرابعة 11 جنيهًا.

- الشريحة الخامسة 15 جنيهًا.

- الشريحة السادسة 25 جنيهًا.